Расчистени сметките со Академија ФМП – Убедлива победа на КК Гостивар 92-81

Кошаркарите на Гостивар успеаа да ја запишат третата победа по ред, совладувајќи ја вечерва екипата на Академија ФМП со резултат 92-81.

Домаќините беа убедливи од самиот почетокот од натпреварот, брзо достигнувајќи и двоцифрена предност, на крајот од првиот период (25-15). Во вторите 10 минути гостите од Кисела Вода ги консолидираа своите редови имаа одличен период добивајќи го (21-26). На полувреме се замина со резултат 46-41.

Добрата игра гостиварци ја продолжија и во вториот дел, одличната реализација на шутот за три придонесе за сигурна игра на „бело-сините“ и во двата правци, по 30 минути игра имаа +16. Последниот период им припадна на гостите, но искусната екипа на Гостивар не дозволи во ниту еден момент да се загрози победата.

Одличен натпревар одигра Џалоун Фрајдеј, кој со србинот Крстајиќ од ФМП со по 29 поени беа нејаефикасни на натпреварот. Одлично деби имаше и Џоџо Вокер кој успеа да запише 19 поени, Александар Костоски постигна 14, Димитриевски 12, Јанески 7, Димчевски 6, Тодоровиќ 5 поени.

Со оваа победа КК Гостивар се искачи на 4. позиција. Доколку нема непредвидени измени веќе во среда, гостиварци ќе гостуваат во Битола, на мегдан со Пелистер.