Вести
Разговор со Илир Адеми, директор на основно музичко училиште „Енвер Стафаи“
„Гостивар има талентирани млади музичари“
Во пресрет на партониот празник на основното музичко училиште во Гостивар, кој се прославува на 30 март, направивме разговор со директорот Илир Адеми. Во продолжение прочитајте – има ли Гостивар музикални деца, каков е интересот за посетување на професионално музичко училиште, дали освен клавир и хармоника во иднина ќе се изучуваат и други инструменти…
– Посетувањето на основното музичко училиште не е задолжително, туку е по желба и волја на родителите и децата. Каков интерес бележите во последните години за упис и следење на наставата?
Илир Адеми: Може да заклучам дека интересот се зголемува. За разлика од претходно, во последните години имаме поголем број на нови ученици кои се одлучуваат да се школуваат кај нас. Многу родители доаѓаат, се интересираат и ги запишуваат децата. И навистина има музички талентирани деца. Оваа учебна година имаме над 150 ученици, во настава на трите јазици, албански, македонски и турски. Сите тие се редовни и искажуваат задоволство од часовите и целото организирање на наставата. Со оглед на тоа дека училиштето се наоѓа малку подалеку од централното подрачје, обезбедуваме и превоз за учениците.
– Сепак, се чини дека недостасува кадар, има потреба од проширување на понудата на инструменти што се изучуваат. Кои мерки се преземаат во тој правец? Може ли да очекуваме новини наредната учебна година?
Илир Адеми:Ние повеќе години наназад доставуваме барања до Министерството за образование и Министерството за финансии за нови вработувања. Потребно е да ја прошириме понудата со професори по гитара, флејта, виолина. До сега, не сме добиле одобрение, но се надевам дека веќе следната учебна година ќе може да се пофалиме и со таков новитет. Инаку, актуелно учениците задолжително изучуваат солфеж, а од инструменти ги имаме клавир и хармоника.
– Во мај започнуваат уписите на нови ученици во музичкото училиште. Што би им порачале на родителите и децата, зошто е добро да станат дел од вашиот музички свет?
Илир Адеми: Сакам да ги повикам сите родители кои се љубители на уметноста, да дојдат и да ги запишат своите деца во нашето училиште. Ние сме перспективно школо, а треба да се нагласи и дека посетувањето на нашето училиште им помага на учениците од најмала возраст во школувањето во нивните матични училишта, во нивниот развој и креативност. Исто така, ја користам оваа прилика, да ги поканам граѓаните на Гостивар на прославата на нашиот патронат, на 30 март. Свечениот концерт ќе се одржи во Центарот за култура, со почеток во 17 часот.
-
Гостиварпред 3 недели
Стани успешен техничар за е-трговија, дигитален маркетинг и угостителство, сметководител, банкар, правник – запиши се во СЕОУ Гостивар
-
Парламентарни избори 2024пред 3 месеци
Потврдени листите на СДСМ, гостиварката Ема Нешковска трета во ИЕ 6
-
Гостиварпред 3 месеци
Света архијерејска Василиева литургија во Гостивар со гости од Србија и чин на ракоположување
-
Гостиварпред 2 месеци
Физички напади и групна тепачка вчера во Гостивар
-
Регионпред 3 месеци
Во Хрватска повлечени наполитанки од познат бренд
-
Гостиварпред 2 месеци
Вечен помен и слава! Девет години од смртта на хероите Горан и Ненад
-
Гостиварпред 3 месеци
Гостиварец го загуби животот во сообраќaјна несреќа
-
Гостиварпред 3 месеци
Несреќа на патот Гостивар – Стража, сообраќајот во прекин