Реконструкција во Детското одделение на болницата во Гостивар

Амбулантата во одделението за педијатрија во Општата болница „Д-р Ферид Мудар“ ќе добие нов лик. Вчера започнаа работи за реконструкција и санација на оваа просторија во одделението. Неодамна Детското одделение се снабди со современ ехо-апарат со две сонди, кои се од голема помош во лекувањето на пациентите.

Од Управата на гостиварската болница најавија дека 2021-та ќе биде годината во која повеќе болнички оддели и други простори во зградата на болницата ќе бидат реновирани и обновени.

Предвидена е реконструкција на дел од интерното одделение, како и на одделението за гинекологија. Во текот на годинава здравствената установа ќе се снабди со магнетна резонанца, апарат со чија помош се дијагностицираат сериозни болести.