Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 31/10/2018

Мармалад од костени – Совршен рецепт за овој период

Мармаладот од костени во Франција и Италија е кулинарско задоволство во кое често се ужива. Освен што е вкусен има и благодатно влијание врз здравјето бидејќи изобилува со витамини и минерали. Ако барате нов начин за да ги искористите плодовите на есента, мармаладот е одлична идеја, бидејќи се става во темен простор и на ладно место, па може да стои со месеци.

Домашно подготвениот е подобра алтернатива, отколку да купите готов мармалад, со оглед на тоа што вие сами ги одбирате состојките и знаете точно што содржи. Костените треба прво да се сварат, а за да полесно ги излупите, подобро е прво да ги скршите на половина и да ги потиснете под преса за лук.

Состојки:

1 кг костени

400 гр шеќер

400 мл вода

1 мешунка со ванилија

1 лажица рум

Кори од два портокала

Подготовка:

  1. Костените засечете ги малку и ставете ги во ладна вода, па варете ги половина час. Откако ќе се сварат, излупете и измиксирајте ги во вид на пире.
  2. Сварете сируп од вода, шеќер и корите од портокалите, околу 15 минути, па процедете.
  3. Сирупот додајте го во пирето од костени и мешунката со ванилија, па смесата варете ја на слаб оган, околу половина час или додека не се згусне.
  4. Извадете ја мешунката и додајте рум.
  5. Во печката стерилизирајте тегли, па ставете ја жешката мармалада во нив и ставете го капачето. Свртете ги наопаку теглите, па ставете ги на ладно и мрачно место кога ќе се оладат.

 

Оставете коментар

Вашата Емаил адреса нема да биде објавена.Задолжителните полиња се означени *

*