Поврзи се со нас

Македонија

СДСМ најавува Влада „Заев 3“, а ВМРО-ДПМНЕ бара оставки

Објавено

на

    Потпретседателот на СДСМ и вицепремиер за економски прашања, координација на економските ресори и инвестиции Фатмир Битиќи смета дека наскоро ќе добиеме „Заев 3“ Влада, повторно предводена од Зоран Заев, со тоа што ќе се сменат шест-седум министри.

    За претседателот на ВМРО-ДПМНЕ Христијан Мицкоски пак вистинското прашање не е дали, туку кога оваа Влада ќе падне.

    Биљал Касами, претседателот на Движењето Беса, вчера потсети дека партиските органи одлучиле да останат дел од опозицијата. Тој не ја исклучува можноста за идна соработка ниту со СДСМ, ниту со ВМРО-ДПМНЕ, но категорично одбива да бидат дел од Влада во која би била и ДУИ.

    Алтернатива следната недела ќе реши дали ќе биде дел од новото парламентарно мнозинство, а одлуката за тоа дали партијата ќе влезе во Владата ќе биде донесена по најавената средба на партискиот лидер Африм Гаши со премиерот Зоран Заев.

    Вицепремиерот Битиќи вчера за „Утрински брифинг“ изјави дека реконструкција на Владата е добра и треба да има одредена промена на кадрите. Нова влада или реконструкција на Владата, како што нагласи, подразбира преговори меѓу коалициските партнери за распределба на нови ресори, кои може да бидат комплицирани.

    – Сите треба да преиспитаме зошто сме изгубиле. Сите во владејачкото мнозинство изгубија. Пораката од народот беше јасна – овој курс на локално ниво не е доволен. Секој разумен политичар ќе се преиспита после ова. Одлуката на ДУИ е нивна одлука, но не е штета за владеењето ако има нови кадри оти тие носат нови решенија, вели вицепремиерот за економија.

    За процедурата за оставката на претседателот на СДСМ Зоран Заев, Битиќи информира дека Централниот одбор само побарал да се одложи одлуката за оставката. Според него, оставката од Заев е висок демократски чин.

    Од друга страна, премиерот Заев потсети дека оставките на функционерите на Движењето БЕСА се уште не се верификувани, што априори значи дека тие се уште се дел од Владата.

    – Нормално дека БЕСА е дел од Владата. Собранието ја нема констатирано оставката на министерот Арјанит Хоџа, ниту пак на другите раководни лица од БЕСА. Затоа е и логично дека се дел од Владата, изјави Заев за „Слободен печат“.

    Дека БЕСА се уште е дел од Владата, смета и пратеникот Кастриот Реџепи, кој не се појави на собраниската седница на 11 ноември за гласање доверба на Владата.

    – Движењето БЕСА не е излезено од Владата, бидејќи нема одлука. Ниту се влегува во Влада, ниту се излегува со изјава, прес или Фејсбук статус. Јас сум потпретседател на БЕСА и знам кој е органот што одлучува. Исклучување на коалиции врши Централниот одбор, кога ќе реши Централниот одбор дека Движењето БЕСА не е дел од мнозинстото, тогаш и јас како член на БЕСА треба да размислам да ја почитувам таа одлука. Во моментот, органот што има мандат да решава е Централниот одбор, и движењето БЕСА е во владината коалиција, изјави Реџепи, одговарајќи на новинарски прашања на одржаната прес-конференција во Собранието.

    Оставки од функциите, на 12 ноември поднесоа министерот за земјоделство, шумарство и водостопанство Арјанит Хоџа заедно до двајцата заменици-министри од движењето Беса. Оставките, како што изјави тогаш Хоџа, ги поднеле како морален чин и почитување на органите на Движењето Беса.

    Во таа насока претседателот на Движењето Беса, Касами во изјава за емисијата „200“ на Телевизија Алсат вчера демантира дека кој било друг пратеник од неговата партија би можел да одлучи да остане дел од парламентарното мнозинство. Според него, партиските органи одлучиле и Беса е дел од опозицијата.

    – Пратениците на Движењето Беса, со својата слободна волја се во оваа позиција, дел од опозицијата согласно преземените одлуки од партијата. Додека не се случи некаква ситуација, јас имам целосна доверба кон двајцата пратеници на Беса, како што имав целосна доверба кон тројцата, рече Касами.

    Тој е уверен дека 61-от пратеник потребен за ново парламентарно мнозинство, нема да биде од Движењето Беса.

    – Тоа што и понатаму останува како став на Движењето Беса е падот на Владата. Од моментот кога ќе падне Владата, проценуваме дека ќе се создаде сосема нова ситуација, сосема поинакво мнозинство, многу постабилно од ова што е дискутабилно и оценувам дека на земјата и е потребна политичка влада која ќе ја забрза интеграцијата кон ЕУ,  рече тој.

    На прашањето дали ВМРО-ДПМНЕ направи погрешна проценка со иницијативата за гласање недоверба на Владата, Мицкоски во интервју за белградска „Политика“ вели дека не станува збор за погрешна проценка, туку за вистинска одлука која на површина ја извадила „целокупната немоќ на Владата и нејзините механизми на владеење“.

    – Уште од почеток знаев дека шансите за тоа се мали, особено што секој демократски потег ќе биде потиснат од притисоци, закани и уцени, но сакав да види и целокупната домашна и меѓународна јавност со што се соочуваме дома во државата. Нема погрешно време за потег со кој уште еднаш се разобличи Владата. Ние покажавме капацитет на обединување на многу субјекти кои имаат свои разлики, но се обединуваме во заложбата за промени и носење на нова иднина, вели Мицкоски.

    Според него, пропаѓањето на иницијатива не некаков успех или неуспех на кого било, туку „само одложување на неславниот крај на Владата кој ќе се случи порано или подоцна“.

    – На кратко кажано, вистинското прашање не е дали, туку кога оваа Влада ќе падне. Во моментот имаме Влада која има поддршка од пратениците кои ги обезбеди како последица на киднапирање. Пратеник кој ја смени страната мистериозно го снема, за подоцна да се појави, што значи дека политичката криза се продлабочува, додава лидерот на ВМРО-ДПМНЕ.

    Во однос на изјавата на пратеникот Реџепи дека неговата одлука да не ја подржи иницијативата за недоверба на Владата е „резултат на убедувањето што го добил од претставници на САД и ЕУ дека земјата ќе добие датум за преговори во декември и дека ќе биде решен спорот со Бугарија“, Мицкоски вели дека нема такви информации, како и дека досега нема чуено оти некој од тие центри на моќ го потврдиле тоа.

    Во врска со оставката премиерот Заев, Мицкоски нагласува дека не е потребна само негова, туку и оставка на целата Влада, по што „единствениот разумен и логичен исход“ би биле брзи избори.

    – Сега имаме една неодржлива ситуација каде имаме Влада без мнозинство пратеници која дополнително е без легитимитет, декласирана на локалните избори кои се одржаа пред две недели. Изборите се решение за да се провериме кај народот и што тој мисли за целата оваа состојба. Оваа Влада нема капацитет да се носи со енергетската криза која зема замав, како и со политичката криза која дополнително следи. Што се однесува до Заев тој уште еднаш ја замајува јавноста и уште еднаш не си го одржа сопствениот збор, а тоа е доколку загуби на локалните избори си оди од политиката. Но, неговото останување во политиката ќе биде продолжување на кризата и тој во ниту еден сегмент не може да биде клучен за кое било добро решение за државата, наведува Мицкоски во интервјуто за белградска „Политика“.

    Лидерот на Алтернатива, Африм Гаши најави дека одлуката за тоа дали партијата ќе биде дел од новото парламентарно мнозинство ќе биде донесена по неговата најавена средба со премиерот Зоран Заев.

    Гаши во изјава за „МКД.мк” посочува дека е започната внатрешна дебата во партијата од која треба да произлезе конкретен став за ова прашање.

    Од друга страна, членот на Алтернатива, Зеќирија Ибрахими за „Плусинфо” вели дека на 23 ноември ќе одржи состанок на Централното претседателство на партијата, а потоа одлуката што ќе биде донесена од ова партиско тело, ќе треба да биде потврдена и од партиското Собрание, кое е највисок орган на Алтернатива.

    Според Ибрахими, засега тие остануваат во опозиција, но „ќе се произнесат за секој нов предизвик“.

    Прашањето за можно вклучување на Алтернатива во Владата на Заев се актуализира минатата недела, од кога пропадна обидот на ВМРО-ДПМНЕ да формира ново парламентарно мнозинство и да му се изгласи недоверба на владиниот Кабинет. Во моментов Алтернатива е во коалиција со Алијансата за Албанците

    Advertisement
    Advertisement
    Advertisement
    Advertisement

    Огласи за вработување:

    Advertisement
    Advertisement
    Гостиварпред 1 час

    Три нови позитивни на корона во Гостивар и пријавен смртен случај

    Гостиварпред 2 часа

    Гостиварец пријавил дека бил нападнат од познаник

    Гостиварпред 6 часа

    Измамникот од Кочани осомничен дека силувал девојче во Гостивар е во притвор

    Гостиварпред 7 часа

    Промена на сообраќаен режим во дел од Гостивар

    Гостиварпред 8 часа

    Гимназијата во Гостивар го прослави Денот на Свети Климент Охридски

    Гостиварпред 10 часа

    Гостивар го доби најмодерниот Рамсторе супермаркет

    Гостиварпред 10 часа

    ОЈО Гостивар: Лажниот оџа од Кочани осомничен за полов напад врз дете и за измами

    Гостиварпред 11 часа

    Празникот „Свети Климент Охридски“ одбележан во техничкото училиште во Гостивар

    Гостиварпред 13 часа

    Симона од Гостивар: „Провери па купи“ за заштита на потрошувачите и намалување на сивата економија

    Технологијапред 14 часа

    Javascript е најпопуларниот програмски јазик меѓу програмерите во третиот квартал од 2021 година

    Македонијапред 15 часа

    Сообраќајот се одвива по влажни коловози

    Занимливостипред 1 ден

    Ова се финалистите за избор на Европски автомобил на годината

    Македонијапред 1 ден

    Две пријави од лекари за сомнеж за смртен исход по примена вакцина против Ковид-19

    Гостиварпред 2 недели

    Ромското знаме да биде во официјална употреба во Гостивар, иницијатива на ДСР

    Вестипред 2 недели

    Страотно-Загинаа 46 македонски државјани во автобуска несреќа во Бугарија

    Гостиварпред 5 дена

    „Сончогледи и сонца за невидлива попреченост“ во Гостивар во сабота на градскиот плоштад

    Гостиварпред 1 недела

    Гостијарци за незаборав – Нова книга на професорот Милош Смиљаноски

    Гостиварпред 4 дена

    Искршени и оштетени надгробни плочи на старите православни гробишта во Гостивар

    Гостиварпред 2 недели

    Намик Дурмиши избран за заменик градоначалник на Гостивар

    Гостиварпред 6 дена

    Срушен покрив на објект во Гостивар и паднато дрво на пат од силниот ветер

    Вестипред 2 недели

    Автобусот е на „Беса транс“, во него се превезувале лица кои се враќале од екскурзија

    Гостиварпред 4 дена

    СДСМ Гостивар: Одлуката за намалување на ноемвриските плати во образование е незаконска, бараме поништување

    Македонијапред 1 недела

    Таравари рече Заев нудел пари на пратеничка, Заев бара извинување или ќе тужи

    Гостиварпред 7 дена

    Монтенегро Маркети: Користете повеќенаменски торби и хартиени ќеси

    Гостиварпред 5 дена

    Во Маврово ќе се одбележат 115 години од раѓањето на г.г Доситеј, првиот Архиепископ на МПЦ

    Гостиварпред 1 недела

    Тешко повредена жена во несреќа во Гостивар

    Локални избори 2021пред 2 месеци

    Униите на жени на ВМРО-ДПМНЕ и АА во Гостивар заедно на марш „Напред розово!“

    Спортпред 3 месеци

    КК Гостивар започна со подготовките за новата сезона

    Спортпред 6 месеци

    ФОТО ВЕСТ: Македонија тргна за Букурешт на EURO 2020

    Гостиварпред 6 месеци

    Етно вешта жена во гостиварско Зубовце – старински специјалитети, чист воздух и дружење

    Гостиварпред 7 месеци

    Повторно протест во Гостивар: Хартиените учебници да останат основно средство за учење!

    Гостиварпред 7 месеци

    Протест во Гостивар: „Нема да дозволиме експерименти врз нашите деца“

    Гостиварпред 7 месеци

    Паркот во Гостивар ќе добие нов лик и социјално инклузивен дел (фото)

    Гостиварпред 10 месеци

    На поларно време и снег Гостивар маршираше во чест на жртвите во автобуската несреќа

    Гостиварпред 11 месеци

    Како се прославуваше Водици во Гостивар од 2016 до 2020 година (галерија)

    Спортпред 1 година

    На Градскиот стадион во Гостивар: ФК Гостивар – ФК Вардар Форино 1:0 (фото)

    Спортпред 1 година

    На Градскиот стадион во Гостивар: Вардар Форино – Вардар Скопје (8:9)

    Гостиварпред 1 година

    ПРОТЕСТ – Русино е смрт! Белите дробови ни се црни! Сакаме цвеќе, не сакаме депонија!

    Спортпред 1 година

    Кошаркарскиот клуб Гостивар започна со подготовките за сезоната 2020/2021

    Advertisement

    Популарно изминативе 100 дена

    error: Содржината е сопственост на Gostivarpess.mk!