Вести

Се намалува наградниот фонд за МојДДВ-Моја награда

Објавено

пред 4 години

на

01/07/2020

Од

Gostivarpress.mk

Со цел помош и поддршка за справување со кризата предизвикана од коронавирусот COVID-19, наградниот фонд на наградната игра „Мој ДДВ-Моја награда“ ќе биде намален, соопшти Министерството за финансии со напомена дека разликата во средствата ќе биде уплатена во Фондот за побрзо заздравување на економско-здравствената криза.

Ова се измените на наградите:

-Наместо 10 дневни награди по 1000 ден, 2000 ден. и 3000 ден. ќе се доделуваат 30 награди секој ден од по 1000 ден.
-Месечните извлекувања од август за секое коло ќе имаат промена – ќе се доделуваат 15 награди од по 20.000 ден. (наместо 100.000 ден.).
-Месечното извлекување за јули ќе се изврши согласно постојните правила! на 4 Јули ќе се одржи извлекувањето за 15 награди од по 100.000 денари во кое учествуваат сите скенирани фискални сметки во месеците април, мај и јуни.
-Главното извлекување на 19 декмври ќе се доделат 1.000.000 денари (наместо иницијално предвидените 3.000.000 ден.)

„Со оваа измена ќе се доделат повеќе награди на повеќе граѓани кои скенираат сметки и учествуваат во борбата против сивата економија и воедно ќе се овозможи 9.7 милиони денари од наградниот фонд да бидат донирани кон солидарниот ковид фонд за социо-економски мерки за справување со кризата.“, соопшти минисерката Нина Ангеловска.

Сподели ја веста: