Се одигра гостиварското градско дерби ФК Гостивар-Генч Калемлер 2:3 (фото галерија)

Вистински фудбалски празник попладнево на Градскиот стадион во Гостивар. Во спортска атмосфера пред солидно пополнети трибини, играа гостиварските екипи ФК Гостивар – ФК Генч Калемлер. Фудбалерите на двете екипи прикажаа одличен и возбудлив натпревар со дури 5 голови. Победи екипата на Генч Калемлер со резултат 2:3

1:0, Зеќири, 5 минута

Поведe ФК Гостивар во 5 мин. со голот на Валон Зеќири, во изедначена и пожртвувана игра во 33 минута на 1:1 изедначи Арменд Даути, резултат со кој се замина на полувреме.

1:1, Даути, 33 минута

Возбудливо и интересно беше во второто полувреме. Повторно поведоа домаќините со 2:1, во 56 минута со голот на Флорент Османи, но екипата од Долна Бањица со голот на Сунај Хасан успеа да се врати во игра за трите бодови, истиот играч заработи и црвен картон. До целосен пресврт дојде во судиското продолжение.

Во 91 минута, Елмир Алији погоди за 2:3. Но, возбудувањата не завршија тука, кога сите мислеа дека е готово во последниот напад, во 96 минута судијата досуди пенал за ФК Гостивар. Шутот на Османи го одбраи Амир Јашар со што беше јасно дека бодовите од ова градско дерби одат кај екипата на Генч Калемлер.

Фудбалерите приредија вистинско ужување за љубителите на фудбалот од Гостивар, ви пренесуваме дел од атмосферата преку фотографии: