Се предадоа 264 украински војници од челичарница „Азовстал“

Повеќе од 260 украински борци доцна синоќа се предадоа од опколената челичарница „Азовстал“ во Мариупол од кои 53 се ранети.

Украинската војска и претседателот Зеленски го потврдија истото, избегнувајќи да го користат зборот предавање, опишувајќи ја операцијата како обид да се спасат што е можно повеќе животи.

По повеќе часовни тајни преговори за кои не информираа ниедна од завојуваните страни вчера, украинските војници прифатиле да го предадат оружјето и бидат префрлени на руска територија.

Околу 53 ранети украински војници, кои доцна синоќа со автобус беа евакуирани од челичарницата, пристигнаа во градот Новоазовск под руска контрола. А другите 211 лица биле однесени во Оленивка, околу 80 километри на север.

Според руските медиуми, голем дел од нив се членови на неонацистичкиот полк „Азов“. Неофицијално во челичарницата има уште околу 600 украински војници.