Се укинува месечниот надоместок за трето дете – Ќе се воведе нова еднократна парична помош

Се укинува дополнителниот месечен надоместок за трето и четврто дете. Анализите на МТПС покажале дека оваа мерка не ги дала посакуваните резултати. Наместо веќе укинатата мерка, ќе се воведе нова еднократна парична помош за прво, второ и трето дете.

Парична помош предвидено е за прво дете да изнесува 5.000 денари, за второ 20.000 денари, а за трето новороденче 60.000 денари. Истовремено, освен што ќе добиваат еднократен надоместок, на сите семејства кои се со минимални приходи и корисници на социјална помош им се овозможува пристап на правото за детски и на образовен додаток, чија крајна цел е да се намали детската сиромаштија.

Од министерството информираат дека оние кои се со стекнатото право на родителски додаток за дете (за трето и четврто дете) ќе продолжи да се остварува.

За трето дете до завршување на периодот од десет години, а за четврто дете и кај единствениот родителски додаток до завршување на периодот од 15 години. Промените се однесуваат на новите корисници.

Правото на родителски додаток за трето дете ќе може да се остварува и понатаму во периодот од десет месеци почнувајќи од денот на влегување во сила на овој закон.