Деца Родители
Семејните приходи може да бидат причина за недоразбирања во бракот (стил и квалитет на живеење)
Општа тенденција е брачниот партнер кој во семејството осигурува поголем ден од семејниот буџет, да има повеќе права и привилегии. Многу партнери за економскиот придонес очекуваат и благодарност, па дури понекогаш се бара и безусловна потчинетост од страна на другите членови на семејството. Таков однос може да прерасне во желба за контрола и доминација над другиот партнер, што не преставува добра основа за квалитетен брак.
Со меѓусебно почитување и уважување на новата улога, брачните партнери полесно ќе се справат со реалните обврски. Распределбата и трошењето на семејните приходи можат да бидат причина за почетни недоразбирања кои лесно можат да се пренесуваат и на другите подрачја на заедничкиот живот.
Причините за невработеноста на еден или другиот брачен партнер можат да бидат различни, тие може да бидат објективни или субјективни. Меѓутоа во семејството никогаш не би требало да се прави разлика меѓу партнерот кој е вработен со оној кој не е вработен и ги извршува домашните обврски. Во денешните општествени услови благодет е доколку и двајцата партнери се вработени. На тој начин полесно ќе се остварат заедничките и индивидуалните потреби и интереси.
Доколку едниот од партнерите е против на вработување на брачниот партнер тоа е знак дека ппостои сериозен проблем во нивниот меѓусебен однос. Правото на самостоен избор на работата и занимањата на секоја личност е едно од основните човекови права.
Има семејства кадешто едниот од партнерите реално постигнува поголем успех во работата, жртвувајќи го при тоа времето што треба да го помине во кругот на семејството. Затоа треба да се води сметка заради успехот во работата, кариерата и заработката да не се жртвува и семејната заедница. Тогаш другиот партнер има потреба но и право да побара еднакво внимание да се посветува и на семејството.
Сепак, постојат ситуации кога еден од сопружниците привремено е зафатен со неодложна работа. Затоа трпението,толеранцијата и разбирањето се начини да се надминат вакви повремени притисоци, така партнерот полесно ќе се опушти во семејното опкружување, среќен што има разбирање за неговите професионални обврски.
Взаемните желби за подобрување на квалитетот на живеењето се доволен мотив за да се осмисли финансискиот план, ваквиот начин дава можност да се изразат меѓусебните ставови и мислења. Реално е притоа, понекогаш да произлезат и несогласувања, но затоа е важен начинот на нивното усогласување. Доколку целта е иста, реалното согледување придонесува кон побрзо и полесно осмислување на заедничкиот модел, како и кој ќе ја води семејната благајна и евиденцијата на потрошените средства.
(Следува – Семејни кризи)
пишува:м-р Слаѓана Анѓелкоска, психолог
Советувалиште за брак и семејство
Центар за социјална работа Гостивар
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар