Шибам – најстариот град со “облакодери“ во светот

Шибам е древен град вo Јемен, прв на светот кој имал градби кои и со изгледот и со функционалноста доста посетуваат на денешните, односно тоа е град заснован на вертикална градба. Прв пат е споменат уште во третиот век пред нашата ера, когa бил главен град на Хадрамаутското Кралство.

Градот се наоѓа во пустина во јеменската мухафаза Хадрамау, а во светот е познат како “Пустинскиот Менхетн“, а и како “Најстариот град на облакодери во светот“.

Ова мало градче се простира на површина 400 х 500 метри и има 7.000 жители и околу 500 древни збиени згради кои имаат од 5 до 11 ката, високи и до 30 метри.

Сите градби се направени од сушена печена глина и слама, а внатрешната конструкција е направена од дрво. Последните катови се премачкани со посебен премаз од вар, за да се спречи оштетување од ретките дождови, а тој премаз треба да се обновува секои 10 до 15 години.

Повеќето градби во Шибам, кои денес може да ги видиме таму, потекнуваат од 16-ти век. За жал, овој град бил погоден од голема поплава во 1532-ра година, кога голем број од зградите се потполно уништени. Сепак, некои се сочувани и обновени, а една од нив е големата џамија изградена од глина која датира од 753-та година.

Шибам од 1982-ра година е сврстен како споменик на светското културно наследство на УНЕСКО, а сигурно и безбедно место за туристи стана дури во 2000-та година. Во 2008-ма година повторно бил погоден од монсуснска бура која предизвикала поплава и доста ги оштетила градбите кои се под закана од уривање.