Што покажаа вонредните контроли на инспекцијата за животна средина во Гостивар?

Државниот Инспекторат за животна средина изминатиот период, поради надминат праг на алармирање за загаденоста на воздухот, изврши вонредни инспекциски надзори во фирми со А интегрирана еколошка дозвола во повеќе градови во Македонија, меѓу кои и во Гостивар.

Од информацијата која е објавена на веб страната на Владата, може да се види дека инспекторите не забележале недоследности.

Целото известување од контролите на инспекцијата може да се погледне на следниот ЛИНК

Како што стои во информацијата, инспекциските надзори продолжуваат да се одвиваат согласно кварталните планови за работа на секој Државен инспектор за животна средина, а за истите јавноста периодично ќе биде известувана.

Како што веќе објавивме , во Гостивар според официјалните мерења, изминатиот период воздухот беше многу загаден, со висока концентрација на штетни ПМ10 честички.