Вести
Што покажале анализите за труењето во тетовската фабрика?
Лабораториските анализи на земените мостри храна во тетовската фабрика Леар, каде минатата недела имаше работници со симптоми на труење, покажале дека нема присуство на патогени бактерии во испитаните: алва, леб, вакумирана салама пилешки гради, јогурт, крем сирење и водата за пиење.
Детектирано било зголемено присуство на аеробни и мезофилни бактерии во јогуртот и крем сирењето, што ги прават овие производи потенцијално ризични за употреба. Иако ваквите бактерии не се дел од микробиолошките критериуми за испитување на безбедноста на храната, туку упатуваат на недоволно добра хигиенска пракса во услови на екстремно високи надворешни температури, наведуваат од Агенцијата за храна и ветеринарство.
Освен тоа, било утврдено присуство на бактеријата стафилокока кај лицето што ја делело храната и на работната маса за чување резервна храна. „Ова лице со храната немало директен физички контакт бидејќи на работниците делело спакувана и вакумирана храна во поединечни пакувања за секој вработен“, соопштуваат надлежните.
Во врска со бактеријата на работната маса за чување на резервна храна, од страна на инспекциските служби биле изречени и спроведени мерки за генерално механичко чистење и дезинфекција на мензата.
Агенцијата за храна и ветеринарство дала препораки за строго спроведување добра хигиенска пракса кои се однесуваат на делење на храната во пократок временски рок, адекватно чување и транспорт, одржување на личната хигиена и носење на работни одела на вработените кои работат со храна.
Анализите од вонредната контрола кај добавувачот на храна за работничката менза се уште не се завршени.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница