Гостивар
Штрајк на СОНК во Гостивар, Амети: Членството е разочарано и нервозно што немаме никаква понуда
Вработените во училиштата и градинките четврти ден се во генерален штрајк, со главно барање за покачување на платите. Од Регионалниот одбор на СОНК во Гостивар нагласуваат дека недобивањето на понуда од страна на Владата и Министерството создава големо разочарување и нервози кај членството.
„Вчера имавме состанок со МОН, на кој бевме повикани мислејќи дека ќе добиеме некаква понуда, да го анализираме по синдикалните организации. Но, отидовме да слушаме само за последиците од штрајкот, дали ќе ги надополнуваме часовите, дека матурантите губат со продолжување на рокови предвидени за матура. Ние сме свесни за тој дел и тоа подобро го знаеме, ние наставниците, отколку тие во Министерството. Ние бараме што поитно да ни дадат некоја понуда, која синдикалните организации ќе прифатат. До сега нема ништо такво. Членството не смо што е разочарано, туку расте и нервозата затоа што не гледаат дека се стигнува до некакво решение. Едноставно очекувавме дека брзо ќе се реагира од надлежните и ќе излеземе од оваа ситуација. Ние знаеме дека децата губат од настава, а токму овој период е можеби најважен дел, кога се одбиваат завршни оценки, матурантите завршуваат, деветтоодделенците треба да се подготвуваат за средно. Ако треба да се надополнуваат часовите, во ред, ние сме тука, но тука сме и да одиме до крај со нашите барања, кои се усогласени со реалните потреби на животот, па дури и се поскромни.“, изјави Тафа Амети, претседател на Регионалниот одбор на СОНК во Гостивар.
Тој додаде дека во Гостивар штрајкот се одвива според предвиденото и добива поддршка од родителите.
„Во училиштата во Гостивар штрајкот тече 100% и за тоа упатуваме благодарност и до родителите кои се солидаризираат, ја разбираат нашата мака. Во детските градинки, исто така има голема солидарност од родителите, мала е бројката на деца што ги носат во градинка и за нив се грижат тие што се со договори на дело. За жал, таму остануваат по 8 часа со штрајкот, некако не можеме да се договриме тоа време да се скрати на 4 часа. Инсистира директорката да остануваат 8 часа, што не е незаконски, но мислам дека е нехумано, затоа што има и нашите членови кои постат.“, рече Амети.
Претседателот на СОНК, Јаким Неделков на прес-конференција попладнево ја повика Владата и ресорните министерства да понудат нешто реално, секој предлог ќе оди кај членството за во текот на викендот Советот на СОНК да може да го разгледа и да донесе одлука.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар