fbpx
Поврзи се со нас

Гостивар

Сите 500 термини за првата тура вакцини во Гостивар се пополнети, по 50 граѓани дневно ќе се вакцинираат

Објавено

на

Како што веќе информиравме, утрово почна вакцинацијата против ковид во Гостивар, според предвиденото со повозрасните ризични групи граѓани, над 77 годишна возраст. Тимот од Здравствениот дом информира дека до сега имунизацијата се спроведува без проблеми, интерес има и дневно ќе се вакцинираат по 50-тина граѓани.

„Утрово во 8 часот започна вакцинацијата против ковид во Гостивар и се врши со вакцини на Астра Зенека. До сега, до 11 часот, вакцина примиле 18 граѓани, а за денес имаме закажано 47. Се‘ се одвива како што треба, според предвиденото, вакцинацијата продолжува секој работен ден од 8 до 16 часот. Интерес за вакцините има, за сите 500 дози кои ги добивме во првата тура се веќе пополнети термините“, изјави д-р Дафина Богданоска, која апелираше граѓаните кои доаѓаат за вакцина со себе да носат и лична карта.

Во спроведувањето на вакцинацијата во Гостивар асистираат тимови на Црвениот Крст. Тие се ангажирани околу пополнувањето на согласноста, која е задолжителна за секој што доаѓа да прими вакцина. Документот содржи прашања за евентуални алергиски реакции на лекови, дали лицето моментално има симптоми на ковид, дали прима некоја терапија за постоечка болест и слично.

 

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!