Сите граѓани кои имаат приход (од плата, пензија, игри на среќа, од странство) електронски да се регистрираат во УЈП

Со Законот за изменување и дополнување на Законот за персоналниот данок на доход сите физички лица кои во текот на 2018 година оствариле приходи по било кој основ (плата, пензија, регрес за годишен одмор, приходи од закуп, од добивки од игри на среќа, од странство и други приходи кои подлежат на оданочување со персоналниот данок на доход), треба електронски да се регистрираат во Управата за јавни приходи на системот Е-персонален данок.

Од УЈП ги повикува граѓаните тоа да го направат поскоро и да не се чека крајниот рок, 31 декември 2018 година.

Обврска за регистрација во системот имаат сите физички лица кои оствариле приходи по кој било основ, заради прием на пополнетата годишна даночна пријава што од 1 јануари 2019 година ќе ја доставува УЈП.

Физичките лица ќе треба електронски да се пријават на системот e-pdd.ujp.gov.mk. Откако електронски ќе се пријават на системот потоа си ги потврдуваат податоците во УЈП.