Сите нешта кои марулата може да ги направи за вашето здравје

Марулата или зелената салата е една од намирниците кои се вистински извор на витамини, природно средство за зајакнување на имунитетот и добра заштита од разни болести. Експертите препорачуваат да ја користите што почесто.

Содржи околу четири отсто вода, најмногу хранливи материи се јаглехидратите околу 2,5 отсто, протеините околу 1,2 и мастите околу 0,2 отсто.

Марулата содржи витамини А и Ц, а минералите вклучуваат железо, калциум, цинк, бакар, магнезиум и фосфор. Витамините Б1, Б2, Б6, кои се неопходни за размена на материи и нервна функција, а исто така и за создавање на протеини, ги има во оваа храна.

Потемно зелените листови зелена салата се побогати со витамин А од посветлите сорти. Затоа, со правилен избор на оваа храна, доволно сме снабдени со се што му е потребно на организмот.

Нутриционистите не потсетуваат дека постојат најмалку седум причини зошто овој зеленчук треба да биде вклучен во исхраната.

Има малку калории и масти

Една мала чинија зелена салата содржи само 12 калории, што ја прави одличен додаток за секој оброк, но може да послужи и како здрава ужина. Исто така, ако јадете зелена салата на почетокот на оброкот, ќе го наполните стомакот, па помалку ќе јадете од главното јадење, што поволно влијае на слабеењето на оние кои сакаат да ослабат.

Помага при слабеење

Марулата содржи многу растителни влакна. Освен што ќе ве засити, ќе го подобри и варењето. Исто така, влакната помагаат во исфрлањето на вишокот сол од телото и влијаат на чувството на ситост.

Марула за поздраво срце

Витаминот Ц и бета-каротенот од зелената салата заедно ја спречуваат оксидацијата на холестеролот, па затоа се смета за една од намирниците кои го штитат здравјето на срцето.

Содржи омега-3 масни киселини

Марулата има совршен сооднос на омега-3 и омега-6 масни киселини. Бидејќи телото не може самостојно да ги произведе, луѓето мора да земаат специјални, есенцијални масни киселини преку нивната исхрана. Линолеинската киселина (омега-6 масна киселина) и алфа-линоленската киселина (АЛА, омега-3 масна киселина) припаѓаат на овие масни киселини. Тие се особено важни за развојот на мозочните и нервните клетки.

Богата со протеини

Дури 20 проценти од калориите во зелената салата потекнуваат од протеини, кои се важни за градење и зачувување на мускулите. Со оглед на тоа дека е богата со растителни влакна, нема да има негативно влијание на перисталтиката на цревата, што нормално се случува при конзумирање на големи количини протеинска храна која не содржи доволно влакна.

Обезбедува мирен сон

Марулата ја содржи супстанцијата лактукариум, која има својства слични на опиумот, но без штетни несакани ефекти. Доколку редовно го консумирате овој зеленчук, по одредено време ќе забележите дека квалитетот на вашиот сон е подобрен.

Одржува оптимално ниво на киселост во телото

Минералите во зелената салата помагаат да се отстранат токсините од телото и да се одржи оптималната киселост. Ова е значајно, бидејќи доброто ниво на киселост му дава на телото енергија и поволно влијае на убавината на кожата.