Случај убиство во Гостивар: 30 дена притвор за осомничениот маж

Судија на претходна постапка од Основниот суд во Гостивар, попладнево му одреди мерка притвор во времетраење од 30 дена на 67 годишниот гостиварец Б.И. Лицето е осомничено дека ја усмртило сопругата – 60 годишната Џ.И. , во семејната куќа во населбата Бањешница, на свирепи начин, со употреба на секира и нож. Гостиварецот ќе биде спроведен во К.П.У Затвор Скопје.

Грозоморниот настан го потресе Гостивар и целата Македонија. Во полиција беше пријавен од страна на синот на жртвата, кој го нашол мртвото тело на својата мајка во спалната соба од семејната куќа.

Според информациите и сознанија на обвинителството, осомничениот ја нападнал жената, па со употреба на секира и нож ѝ нанел повеќе убодни рани по телото. Надлежните бележат дека мажот и жената подолго време имале нарушени меѓусебни односи.