СП 2019: Македонија денес ќе брка втора победа против Бахреин (14 часот)

После победата против Јапонија во првото коло од групата Б, денеска селекцијата на Македонија го игра вториот натпревар на мундијалот против репрезентацијата на Бахреин

Според квалитетот на двете селекции и прикажаното во првото коло а и според рејтингот, Македонија важи за фаворит против Бахреин, но капитенот Лазаров во неколку наврати потенцираше дека Бахреин е доста посериозен противник од Јапонија. Во првото коло загубија од Шпанија 33-23.

Селекторот на македонската репрезентација Раул Гонзалес реши да не менува ништо од претходниот меч, па на трибините повторно ќе бидат резервниот голман Златко Даскалоски и пикерот Милан Лазаревски, кои одмараа и против Јапонија.

Состав: Борко Ристовски, Никола Митревски, Филип Талески, Филип Кузмановски, Филип Чурлевски, Филип Лазаров, Дејан Манасков, Горан Крстевски, Мартин Серафимов, Кире Лазаров, Гоце Георгиевски, Мартин Поповски, Стојанче Стоилов, Жарко Пешевски, Марио Танкоски и Велко Маркоски.

Ова ќе биде прв дуел помеѓу овие две селекции, за Бахреин ова е трето учество на светските првенства. Натпреварот се игра во Минхен, од 14 часот.