Регион
„Србија против насилството“ насилно се обиде да влезе во собранието во Белград
Една недела по затворањето на гласачките места во Србија, не престануваат тензиите околу изборите, особено оние во Белград, а опозицискиот блок „Србија против насилството“ на вчерашниот протест во центарот на Белград порача дека нема да се откаже од поништувањето на изборите и насобраните се обидоа насилно да влезат во зградата, унишувајќи го влезот и она што им беше достапно во собранието.
Во конфликтот меѓу приврзаниците на опозицијата и полицијата има повредени – МВР соопшти дека се повредени осум полицајци, а не се знае точниот број на демонстранти на кои им била укажана лекарска помош.
Претседателот на Србија Александар Вучиќ, во вонредното обраќање до јавноста синоќа изјави дека не е во тек никаква револуција и дека земјата е доволно силна да ги брани Србија и Белград. Вучиќ рече дека се уапсени „35 насилници“.
- Ништо од ова нема да им успее. Се трудиме со блага реакција за да не повредиме некој од случајните учесници. Се собраа 2.490 луѓе, а во овој момент пред градското собрание има вкупно околу 1.195 лица, изјави Александар Вучиќ нешто по 20:00 часот во обраќањето до јавноста во врска со протестот на опозицијата.
Тој додаде дека во регионот „почнале да слават“ и да зборуваат за „успешната револуција што е во тек во Белград“, што, според неговите зборови, покажува дека вечерашните настани во главниот град на Србија „не се само производ на внатрешна мудрост и глупост, туку многу посериозни геополитички околности во кои се обидуваат да ја урнат независноста, самостојноста и суверенитетот на Србија“.
Некои го покажаа своето лице, дека насилството им е единствениот облик на борба, оцени Вучиќ.
- Со денови укажувавме на тоа, го предупредувавме странскиот фактор за тоа, им благодариме на оние странски служби кои јасно ставија до знаење што се подготвува, рече претседателот на Србија.
Оние кои се колнеа дека се борат против насилството, рече тој, само уште еднаш потврдија дека се вистински насилници, силеџии.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница