Студено со дожд на почетокот на новата работна недела, потопло од четврток

Денес (понеделник) претпладне ќе биде облачно со локални врнежи од дожд, попладне променливо облачно и свежо. Ќе дува умерен до засилен ветер од северен правец, најизразен долж Повардарието. Температурата во гостиварскиот регион ќе се движи од 9 до 17 степени.

Како што најави Управата за хидрометеоролошки работи, и утре (вторник) ќе биде претежно облачно и посвежо со повремени врнежи од дожд. Дневната температура ќе опадне за десетина степени. Во среда не ‘ очекува умерено до значително облачно време со слаб до умерен ветер од јужен правец и постепено покачување на дневната температура до максимум 18 степени. Во четврток и петок времето ќе биде сончево со мала до умерена облачност и потопло.