Гостивар
Таравари: Нема простор за паника – останете дома, почитувајте ги препораките за самоизолација!
Општина Гостивар заедно со Врапчиште и Боговиње формираше Кризен штаб за координирање на активности и мерки против Ковид 19. На подрачјето на овие три полошки општини нема заболени од коронавирус, а градоначалниците повикаа граѓаните да ги почитуваат препораките за заштита, да не излегуваат без потреба, а сите коишто доаѓаат од странски земји, да останат дома 14 дена, додека трае периодот на инкубација и ризикот од зараза.
„Кризниот штаб се сретна со сите институции под централна и локална власт, коишто имаат надлежности околу коронавирусот. Нашата констатација е дека ситуацијата е многу сериозна, но воопшто не е за паника. Во трите општини нема регистриран случај, направени се тестови до сега на неколку граѓани кои дошле од ризични земји и тие биле негативни. Нашата препорака е граѓаните да седат во своите домови, да имаат што помалку контакти со други луѓе и така може најмногу да помогнат. Како општински управи ние работиме интензивно, за чистење и дезинфекција на сите улици и институции коишто се под наши ингеренции. Чекаме нови препораки од Централниот Кризен штаб, па согласно нив ќе делуваме. Во четврток повторно ќе имаме состанок на локалниот Кризен штаб, а до тогаш остануваме 24 часа во координација со сите институции“, изјави Таравари.
Инаку, глетката низ Гостивар преку ден и навечер е сосема различна. Откако ќе се стемни, речиси и да нема движење на луѓе низ улиците, а преку денот може да се забележи вообичаена раздвиженост и тоа на граѓани од сите возрасти од деца до пензионери. Дел од нив, носат заштитни ракавици и маски, а дел не.
Угостителските објекти, обложувалниците, казината генерално ја почитуваат забраната за работа. Зголемени се полициските контроли. Самоиницијативно, неколку такси компании привремено прекинаа со работа.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот