Таравари: Не личиме на држава, одложувањето на Пописот е скандалозно

Генералниот секретар на Алијанса за Албанците и градоначалник на Гостивар, Арбен Таравари ја искоментира согласноста за одложување на Пописот како скандалозна и рече дека тоа е нечесна игра со луѓето кои се ангажирале за попишување.

„Скандалозно, не личиме на држава. Одложување да се случи само затоа што така им текнало, после 2-3 интензивни недели ангажирања и на политичките партиии и на дијаспората, зошто сега да го стопираме пописот и да го одложиме. ДУИ е како да ви речам, како маргарин, кога им треба на ВМРО, кога на им треба на СДСМ, кога овие не сакаат, па и не ги прашуваат, не ги викаат. Со Алијанса и Алтернатива ќе биде поинаку. Нема да дозволиме да понижуваат луѓе што се ангажирани. Ние одржавме избори во пик на пандемија, зошто да одложуваме попис. Утре е закажана средба, но се прашуваме дали вреди со еден човек што менува мислење во тек на денот пет пати, да се седне и да се разговара. Од каде ние да им веруваме на Заев и Мицкоски дека, па и во септември ќе се одржи попис?“, изјави Таравари.