Тешко повреден гостиварец во судар на три возила

Гостиварец е тешко повреден во сообраќајна несреќа која се случила утрово околу 7.30 часот во Гостивар. Според информациите од СВР Тетово, во несреќата на ул „Белчичица“ учествувале три возила: „фиат чинквеченто“ со гостиварска регистрација што го управувал 31 годишниот Е.Р од Гостивар, „бмв“ со гостиварски таблици управувано од 53 годишниот гостиварец С.Ш и паркирано товарно возило „ивеко“ со скопска регистрација, кое го паркирал 46 годишниот Б.Љ од Гостивар.

Во несреќата со тешки телесни повреди, односно скрешници на раце и нозе се здобил возачот на фиатот, кој најпрво бил пренесен во гостиварската болница, од каде по пружената помош бил префрлен на скопските клиники.

Според првичните сознанија, возачот на фиатот најпрво удрил во паркираното товарно возило, изгубил контрола и потоа удрил во бмв-то.

Увид извршила екипа на ОВР Гостивар.