Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 11/06/2019 | 08:38

Царовска: Почна исплатата на зголемената социјална помош

Министерката за труд и социјална политика Мила Царовска изјави дека е започната исплатата на зголемената социјална помош, согласно правата предвидени со новата социјална реформа. Според неа, над 25.700 домаќинства во земјава на нивните трансакциски сметки добиле гарантиран минимален приход, којшто за поголемиот дел од нив е зголемен за 100%, на сите овие домаќинства кои имаат деца дополнително им бил исплатен и детски и образовен додаток.

„Навистина ми е драго што спроведувањето на реформата се одвива непречено и нашите најранливи граѓани конечно ја добиваат помошта која им е потребна. Со овие промени ја намалуваме сиромаштијата во државата, овозможуваме еднаков старт за секое дете, ги унапредуваме правата на лицата со попреченост и го подобруваме квалитетот на предучилишното образование“, изјави Царовска.

Аплицирањето за новите права е се` уште во тек и се спроведува во Центрите за социјална работа. Пакетот закони за социјална реформа беше изгласан во Собранието на 21 мај.

Напишете коментар