Урмата како едно од најздравите овошја

Кога зборуваме за најздравите овошја, урмите се едни од овошјата кои се секогаш на листата. Многу луѓе го користат ова овошје како природен засладувач, а исто така често го додаваат во смути и колачи.

Урмите се сметаат за вистинска ризница на витамини, одлични се и за возрасни но и за деца, а експертите ги препорачуваат поради нивните здравствени ефекти.

Тие се добар извор на енергија, шеќер и растителни влакна. Содржат есенцијални минерали, витамини како што се тиамин, рибофлавин, ниацин, фолати, витамин А и витамин К.

Инаку, еден од најдобрите тенисери, Новак Ѓоковиќ неодамна откри дека често јаде урми и банани за време на неговите натпревари.

А ова се само четири од многуте здравствени придобивки од урмите.

Тие се богати со антиоксиданси

Урмите се богат извор на заштитни растителни соединенија кои имаат антиоксидантни својства. Тие вклучуваат полифеноли, каротеноиди и лигнани, за кои е докажано дека помагаат во лекувањето на хронични болести.

Добри се за цревата и варењето

Три урми обезбедуваат околу 18 проценти од дневната потреба за влакна, кои поддржуваат добра дигестивна функција. Според некое истражување покажано е дека урмите може да ги намалат шансите за рак на дебелото црево благодарение на нивната висока содржина на влакна и полифенол, кои исто така имаат корисни антимикробни придобивки.

Ги зајакнуваат коските

Урмите се извор на минерали кои се добри за коските. Содржат селен, манган, бакар и магнезиум, а овие минерали се многу важни за здрав развој и цврстина на коските, особено кај постарите лица бидејќи нивните коски се слаби.

Одлични се за трудници

Вклучувањето на урмите во исхраната во последните неколку недели од бременоста може да го поттикне проширувањето на грлото на матката. Се верува дека соединенијата во урмите ги имитираат ефектите на окситоцинот, хормон кој игра клучна улога во процесот на раѓање.