Ветровито време, температурите во опаѓање

Во новата работна недела не‘ очекува стабилно и посвежо време.

Денес, понеделник, Сонцето изгреа во 5 часот и 59 минути, а ќе зајде во 19 часот и 14 минути. Ќе преовладува сончево време со мала до умерена локална облачност. Ќе дува слаб до умерен ветер од западен и северозападен правец кој долж Повардарието повремено ќе се засилува. Максималната дневна температура ќе достигне 24 степени.

Утре (вторник) ќе биде нешто потопло и ветротиво со максимална температура до 26 степени. Во среда ќе владее променливо облачно време, со можност за краткотраен дожд во попладневните часови. Температурата ќе биде во интервал од 10 до 24 степени. Во четврток и петок, според метеоролошките прогнози времето ќе биде сончево со умерена облачност. Ќе дува умерен до засилен ветер.