Викенд временска прогноза

Во текот на викендот што е пред нас, нѐ очекува нестабилно време. Денес е петок, 227-от ден од годинава. Сонцето изгреа во 5 часот и 44 минути, а ќе зајде во 19 часот и 37 минути. Времето денес ќе биде сончево и топло со мала до умерена облачност, а попладне ќе има услови за изолирана појава на краткотраен пороен дожд, грмежи и засилен ветер. Температурата во текот на денот ќе се искачи до 33-от степен.

Утре (сабота) претпладне нѐ очекува сончево време со мала до умерена облачност, додека во попладневните часови времето ќе биде нестабилно со услови за пороен дожд и грмежи. Температурата ќе се движи помеѓу 18 и 31 степен.

Во недела времето ќе биде променливо облачно и нестабилно со пороен дожд и грмежи. Ќе има и повремени сончеви периоди. Температурата ќе се движи од 18 до 29 степени.