Викенд временска прогноза за Гостивар

По периодот на врнежи и облачност, во деновите од викендот што е пред нас, во регионот на Гостивар ќе настапи стабилизација на времето и разведрување.

Денешниот ден петок, сепак ќе се задржи променливо облачно време со услови за дожд, а можно е и краткотрајно невреме со грмотевици и засилен ветер. Сонцето изгреа во 5 часот и 15 минути, а ќе зајде во 19 часот и 51 минута. Температурата ќе се движи од 7 до 20 степени.

Во сабота и недела, според прогнозата на метеоролозите ќе имаме генерално сончево време и затоплување. Дневната температура ќе се искачи до 25 степени. Врнежи не се очекуваат.