Лекарите во Гостивар пријавуваат и заразени пациенти со грип

По првите 2 регистрирани случаи на грип меѓу населението во гостиварскиот регион кон крајот на октомври, месецов потврдени се пет нови. Според податоците во извештајот на Институтот за јавно здравје, во периодот од 2 до 8 ноември во Македонија пријавени се вкупно 20 заболени од грип, од кои 15 од подрачјето на Дебар и 5 од Гостивар.

ИЈЗ наведува дека во сезоната 2020/2021 вкупниот број на заболени изнесува 120.

Како што веќе информиравме, неделава започна вакцинацијата против грип со бесплатни дози наменети за ранливите групи граѓани: лица над 65 години, хронично болни, бремени жени, здравствените работници и деца до 5 години. Поради ковид пандемијата вакцинирањето не се врши во епидемиолошката служба, како претходните години, туку во објектот на Трудова медицина. За Гостивар обезбедени се 400 дози бесплатни вакцини.