Во Гостивар промовирано делото „Етика во различни области“, прва книга на турски јазик од оваа област

По повод  21 декември, Ден на наставата на турски јазик и патронен празник на Меѓународен универзитет „Визион“ во Гостивар, беше промовирана  книгата со наслов  „Етика во различни области“ од авторите проф. д-р Абдулмеџит Нуредин и проф. д-р Менсур Нуредин.

Книгата содржи 48 тематски целини, групирани во две поглавја. Првиот дел е Концептуалната рамка- Теоретска Етика, којшто ги опфаќа темите „Концепти поврзани со моралот и етиката“, „Основни идеи во развојот на етиката“, „Видови на етика“, и „Етичките системи“. Вториот дел соподнаслов Применета Етика – Етика во различни области ги опфаќа темите „Етика во општествените науки“, „Етика во инженерството“ и „Етиката во медицинските науки“.

„Етика во различни области“ е исклучително значајна книга која ги надминува рамките на учебник за студентите и експертите во оваа област. Оригинална, внимателно аргументирана, оваа книга е првата книга што испитува различни области на етиката во нашата држава, и истовремено е и прва книга објавена на турски јазик од областа на Етика во нашата држава“, се наведува во освртот за делото.

Издавач на книгата е Универзитетот „Визион“ во Гостивар.