Во Гостивар регистрирани случаи на непочитување изолација и полициски час

Во текот на изминатото деноноќие,  според статистиката на Секторот за внатрешни работи Тетово за неносење заштитни маски на вкупно 102 лицa (Тетово-60 Гостивар-42) изготвени им се прекршочни платни налози, согласно член 6 од соодветната владина Уредба.

Во истиот период на 29 лица во тетовско и на 65 во гостиварско изготвени им се нови решенија за изолација од Државен санитарен инспекторат. Контроли им биле извршени на 475 лица во Тетово и 240 во Гостивар со вакви решенија и при тоа било констатирано дека едно лице од гостиварско Форино не го почитувало решението за изолација.

Во периодот од 22 часот вчеравечер до 5 часот наутро регистрирани се 3 случаи на непочитување на полицискиот час и тоа 2 во Тетово и 1 во Гостивар.