fbpx
Поврзи се со нас

Гостивар

Во Гостивар започнува тестирање за корона со брзи тестови, од земање брис до резултат за 30 минути

Објавено

на

Неделава ќе започне тестирањето за коронавирус со брзи антигентски тестови во Гостивар. Тестирањето ќе го врши обучен тим од лабораторијата на Здравствениот дом, а ќе се спроведува во посебен пункт во објектот на Трудова медицина. Закажувањето ќе оди преку матичните лекари и тоа само доколку пациентот го исполнува алгоритмот, односно има симптоми, не повеќе од пет дена. Брзите тестови се на товар на Фондот за здравство.

„Министерството за здравство уште минатата недела за Здравствените домови на ниво на Македонија, меѓу нив и ние како Здравствен дом Гостивар, спроведе обука за земање на материјали и обавување на тие брзи тестови. Практичниот дел е поминат, сега ги очекуваме тестовите, кои според најавите од Министерството ќе бидат доставени утре. Брзите тестови се замена за ПЦР тестовите во првичните денови, кога симптомите се благи. Се работи за детекција на антиген на ковид 19. Целата процедура трае 30 минути, од земање на материјалот и сработувањето на тестот и добивање на резултатот. Врз основа на добиениот резултат се селектираат пациентите, тие што се негативни, а имаат некои симптоми на сезонски грип и други настинки, од тие што имаат позитивен резултат кои потоа подлегнуваат на натамошно испитување со ПЦР тестот.“, појасни д-р Абдулкадир Алији, раководител на лабораторија-Здравствен дом Гостивар.

Планирано е дневно со брзи тестови да се опфатат 40 до 50 пациенти. Со ова се овозможува поефикасно регистрирање на позитивните случаи и нивно навремено третирање и изолирање од околината.

„Верувам дека ќе почнеме да ги изработуваме во најкраток можен рок. Тоа не бара некоја посебна организација и опрема, само простор и обучен тим, кој веќе го имаме обезбедено. Неблагодарно е да се очекува да ги покриеме сите пациенти веднаш, но верувам дека ќе ги задоволиме потребите. ПЦР тестови секако ќе продолжат да се прават и понатаму“, наведе Алији.

Според последната статистика на Министерството за здравство, во регионот на Гостивар моментално активно заразени со коронавирус се 564 лица.

 

 

Advertisement
Advertisement
Advertisement
Advertisement
Advertisement

АНКЕТА:

ДАЛИ ТРЕБА ДА СЕ ЛЕГАЛИЗИРА МАРИХУАНАТА ВО ЗЕМЈАВА?

Популарно изминативе 100 дена

error: Содржината е сопственост на Gostivarpess.mk!