Во јули и август навалица за лични карти и пасоши во Гостивар

Доаѓањето на иселениците во родниот крај, секое лето го зголемува обемот на работа на шалтерите на службата за издавање на лични документи во Гостивар. Податоците потврдуваат дека тоа било случај и во изминатите два месеци.

Во отсекот за управни работи, во јули биле поднесени  1.817 барања за изготвување на лични карти, додека во август, 1.911. Бројката е двојно поголема споредено со јуни,  кога биле поднесени околу 900 барања.

Што се однесува до пасошите, во јуни биле поднесени 1.724 барања, во јули бројката рипнала на 4.147, а во август имало 3.881 барање.

„Отсекот за управни работи во летните месеци, а така ќе биде и во наредниот период, работеше во две смени од 7 до 21 часот и 30 минути, со цел да им се излезе во пресрет на сите граѓани, дотолку повеќе што во овие три месеци беше најголем бројот на барањата, пред се поради доаѓањето на времено вработените од странство“, стои во информацијата од МВР.