Гостивар
Во клупа или од пред компјутер? Неизвесно е како учениците ќе го почнат 1-ви септември
На две и пол недели пред почетокот на новата учебна година, министерствата за образование и за здравство се’ уште не донесоа конечна одлука на кој начин ќе започне одвивањето на наставата.
Министерот за образование Арбер Адеми на денешната прес конференција истакна дека се залага за враќање на учениците во училишните клупи, но тоа зависи од епидемиолошката состојба со коронавирусот.
„Нудиме три модели на организирање и спроведување на наставата: со физичко присуство, далечинско учење-онлајн и третиот модел е комбиниран начин на настава од првите два. Во МОН преовладува мислење дека треба да се организира настава со физичко присуство, но да се земе предвид епидемиолошката состојба и условите во училиштата. Тоа значи дека секаде каде ни дозволува епидемиолошката состојба и каде има услови, имајќи ги предвид протоколите за заштита, би требало наставата да биде со физичко присуство. Нашиот став е јасен, нема замена за наставата со физичко присуство, но сепак треба да водиме сметка за здравјето на нашите ученици. Да се обезбеди физичка дистанца најмалку 1,5 метри и да се испочитуваат други одредби и упатства за да наставата се организира безбедно. Во училишта кои немаат услови, наставата треба да се организира преку комбиниран модел. Би се поделиле одделенијата на помали групи, една група по една недела недела би следела настава во училиште, а другата група да го следи часот онлајн. Ако тоа не е можно, тогаш снимените лекции во текот на денот, би се споделиле со учениците онлајн. Какво и да е нашето решение, укажуваме дека може да се смени и еден ден пред почеток на учебната година, или по почнување, зависно епидемиолошката состојба.“, рече Адеми, додавајќи дека ако епидемиолошката состојба е таква каква што е сега, тогаш училиштата треба да се отворат.
Министерот потенцира дека се прави сеопфатна анализа, да се донесе правилна одлука. Примерите покажале дека повеќе од земјите се охрабриле да ги отворат училиштата, а имало и случаи кога после оваа одлука пак ги затвориле поради појава на заразени ученици и опасност од проширување на ковид 19.
Министерот за здравство Венко Филипче, пак изјави дека став на комисијата за заразни болести е наставата да почне да се одвива онлајн, освен во првите одделенија.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар