Во Полог 5 лица ја прекршиле одлуката за ограничено движење

Во периодот од 07.00 часот на 08.04. до 07.00 часот на 09.04.2020, на подрачјето на СВР Тетово вкупно 5 лица ја прекршиле одлуката за ограничено движење (ТЕ-3 и ГВ-2), кои веднаш се лишени и задржани и на кои ќе им бидат изготвени соодветни поднесоци по член 206 од Кривичниот законик.

Во овој период вкупниот број на лица, спроведени во државен карантин на тетовско-гостиварското подрачје, изнесува 428 (ТЕ-208 и ГВ-220), а бројот на контроли на лица со потпишани изјави за самоизолација e 28 (ТЕ-19 и ГВ-9).

Покрај ова, реaлизирани се и контроли на 224 лица (ТЕ-177 и ГВ-47)  со решенија за изолација, издадени од Државниот здравствен и санитарен инспекторат. При контролите на лицата со решенија и со потпишани изјави за самоизолација не се регистрирани непридржувања и не се поднесени кривични пријави по таа основа, а не се регистрирани, исто така, и нарушувања на јавниот ред и мир или други безбедносни настани поврзани со „корона вирусот“.