Во сезоната на костени направете си мармалад од овие плодови

Освен убавиот вкус, костенот е многу здрав и има бројни предности, не содржи глутен па од неговото брашно можат да се зготват бројни јадења што посебно ги радува луѓето чувствителни на глутен. Во сезоната на костени може да си направите и вкусен мармалад од овие плодови.

Костените треба прво да се сварат, а за да полесно ги излупите, подобро е прво да ги скршите на половина и да ги потиснете под преса за лук.

Состојки:

1 кг костени

400 гр шеќер

400 мл вода

1 мешунка со ванила

1 лажица рум

кори од два портокала

Подготовка:

1. Костените засечете ги малку и ставете ги во ладна вода, па варете ги половина час. Откако ќе се сварат, излупете и измиксирајте ги во вид на пире.
2. Сварете сируп од вода, шеќер и корите од портокалите, околу 15 минути, па процедете.
3. Сирупот додајте го во пирето од костени и мешунката со ванила, па смесата варете ја на слаб оган, околу половина час или додека не се згусне.
4. Извадете ја мешунката и додајте рум.
5. Во рерна стерилизирајте тегли, па ставете ја жешката мармалада во нив и ставете го капачето. Свртете ги наопаку теглите, па ставете ги на ладно и мрачно место кога ќе се оладат.