Возило излетало од патот кај Бунец – едно лице со тешки повреди

 Триесет и тригодишна жителка на селото Топлица завршила на скопските клиники со тешки телесни повреди добиени во сообраќајна несреќа. Настанот се случил вчера наутро на регионалниот пат Гостивар – Маврови Анови, во близина на одморалиштето Бунец.

Полицискиот портпарол Марјан Јосифоски соопшти дека патничко возило „матиз“ со гостиварска регистрација што го управувал 42 годишен жител на селото Чегране излетало од патот и се превртело. При тоа, сопатничката во автомобилот била тешко повредена. По укажаната помош во болницата во Гостивар, била препратена во Скопје.

Причина за несреќата најверојатно било пребрзото возење.