За љубителите на старински рецепти-штрудла со афион

Штрудлите порано биле редовно сервирани на семејните трпези, а ги има во најразлични варијанти. Една од најпознатите и најобожаваните е штрудлата со афион. Потсетуваме на рецептот.

Состојки:

 За тесто:
500 гр. брашно
250 мл. млеко
30 гр. квасец
1 јајце
1 жолчка
50 гр. шеќер
50 гр. растопен маргарин

 За фил:
500 гр. афион
200 гр. шеќер
филџан млеко

Подготовка:
Најпрво во млакото млеко разматете ги квасецот и шеќерот. Потоа додадете ги состојките за тестото и замесете. Оставете да отстои 20 минути и потоа поделете го тестото на 3 дела.

За филот помешајте ги афионот и шеќерот. Млекото ставете го на оган да зоврие и во него постепено додавајте ги шеќерот и афионот со постојано мешање.

Тестото расукајте го и премачкајте го со филот, а потоа завиткајте го во ролат. Повторете ја постапката со сите три дела на тесто. Загрејте ја рерната на 200 степени, плехот обложете го со хартија за печење и премачкајте ја со масло, па ставете ги штрудлите на печење. Се печат 20-25 минути.