За сите бивши и активни пушачи, намирници кои го чистат организмот од никотин

Ако сте престанале да пушите или сте страствен пушач, најбрзиот начин да го исчистите вашето тело од никотин е со помош на оваа храна.

Спанаќ

Фолната киселина е многу важна за нормално функционирање и развој на организмот, но исто така му помага на организмот да се ослободи од никотинот. Големи количини на фолна киселина се наоѓаат во спанаќот.

Брокула, карфиол и зелка

Овој зеленчук е исклучително здрав. Покрај тоа што содржи полифеноли, за кои се покажало дека се корисни во намалувањето на различните воспаленија во дигестивниот тракт, тој содржи и антиоксиданти кои го чистат телото од бројни токсини. Гответе ги што е можно пократко за да ја зачувате целата нивна хранлива вредност.

Зелен чај и витаминска вода

Со пушењето, телото ја губи потребната течност и станува многу побрзо во состојба на дехидрација. Пиењето голема количина домашна витаминска вода (со ѓумбир, краставница, нане и лимон) што лесно можете да ја направите сами, како и зелениот чај полн со антиоксиданси, го исфрла никотинот од организмот.

Моркови

Никотинот ја уништува кожата и ја прави безживотна и сува. Ако сакате да се ослободите од овие грди несакани ефекти од пушењето, јадете што повеќе моркови. Содржи големи количини на витамини А, К, Ц и Б кои се главните средства за чистење на организмот. Исцедете го морковот во соковник измешан со јаболко и лимон или изрендајте го во салата.

Киви, лимон и портокал

Освен вода, пушењето ги отстранува витамините А, Ц и Е од организмот, кои го зајакнуваат имунитетот и му помагаат на организмот во борбата против разни инфекции и бактерии. За да ги надоместите изгубените витамини, посегнете по киви или испијте чаша лимонада. Сокот од портокал го хидрира телото, му ги обезбедува потребните витамини, но исто така го чисти и организмот од никотин. Исцедете два портокали, додадете малку вода и пијте помеѓу оброците.