Засладете ги сите дома, а убава е и за пред гости – Брза торта со овошен јогурт

Во денешицата кога секогаш сме во трка со времето, добредојдени се едноставни рецепти за јадења и десерти кои се прават брзо и лесно, а не можат да се згрешат и се превкусни.

Оваа торта е токму според таков рецепт, лесно и брзо се прави, а ќе се засладат сите во домот.

Потребни состојки:
– 1л овошен јогурт од 2 различни вкуса
– 1/2л слатка павлака
– 300гр овошје
– 150гр плазма
– 200гр шеќер
– 3 желатина
– 100гр чоколада за готвење

Рецепт:
Двата овошни јогурти ставете ги во два посебни садови со по 100гр шеќер. Ставете ги на тивок оган се додека не зовријат. Тргнете ги од оган и ставете по 1,5 кесичка желатин, претходно подготвен по упатството од кесичката. Оставете да се излади.
Изматете ја слатката павлака и поделете ја во два садови. Кога јогуртот ќе почне да се згуснува ставете го во садовите со слатка павлака. Во едната половина ставете го овошјето ситно исецкано. Земете длабок калап и обложете го со безбојна фолија. Ставете ја првата смеса без овошје, па после другата половина со овошје. Откако ќе ја израмните површината, наредете ја плазмата потопена со млеко. Ставете ја преку ноќ во фрижидер.
Утредента превртете ја тортата на рамна чинија и тргнете ја фолијата. Растопете чоколадо со масло. Ставете масло доволно колку да не загори чоколадата. Малку нека излади и ставете го растопеното чоколадо преку целата торта.