Значајна соработка: „Менора Енкиду“ потпиша долгорочен договор со индиската компанија „Прајм Технолоџи“

„Менора-Енкиду Логистик и Консалтинг“ е приватна компанија со седиште во Скопјe која работи во областа на бизнис консалтинг и меѓународна трговија. Претставници на компанијата денеска потпишаа договор во Тамил Наду, Индија со индиската „Прајм Технолоџи“  со што се олеснува можноста на бизнис заедницата од земјава за проширување во т.н економско чудо од земја – Индија.

„Компанијата Менора Енкиду потпиша долгорочна соработка со Индиската компанија Прајм Технолоџи со што се здоби со ексклузивитет за претставништво на нивните производи во Македонија и цела Европа. За возврат, нашата компанија ќе биде мост и сигурна можност на компаниите од нашиот регион за нивно проширување на индинскиот пазар“, вели еден од менаџерите на Менора-Енкиду Логистик и Консалтинг, гостиварецот Бајрамали Саити.

„Менора-Енкиду Логистик и Консалтинг“ соработува со повеќе од 63 земји во светот како Америка, Турција, Израел, Албанија, Косово, Мароко, Мавританија, Мали и други земји.