Знаете ли како го трошите времето во вашиот живот?

Додека го читате овој текст ќе сватите колку всушност е важно да си го цените времето, да се одолее на неверојатната брзина со која се движи денешното модерно општество и животот да го набљудувате низ моментите вредни за паметење.

Како да постигнам сѐ до крајот на работниот ден? Дали ќе имам доволно време да го подготвам испитот? Дали ќе стигнам на време? А време за себе? Проблем! И како што вели Ѓорѓе Балашевиќ “И пред тречи рефрен веч нисмо млади…“, се разбираме, нели?

За да застанеме на патот на безпотребното растурање и трошење на времето, и да успееме да го одвоиме важното од неважното, често ни е потребна помош и совет од страна на оние кои се во состојба истото да го направат. Во склоп на ова еве неколку интересни податоци за животот на просечниот човек кои ги претстави National Geographic, а кои ќе ве разбудат и наведат на размислување за тоа како го трошите вашето време и дали сте на вистинскиот пат.

Одиме со ред:

1. Луѓе родени во денешно време својот роденден го делат со 17 милиони други луѓе на планетава.

2. Во текот на 12 (или 13) години основно и средно образование, ќе имате во просек по 17 пријатели.

3. Тој број ќе се намали на само двајца пријатели до вашиот 40-ти роденден.

4. За време на просечниот животен век ќе ви нарасне 950 километри коса.

5. Ќе се смеете 18 пати на ден.

6. Ќе плачете просечно 4 пати неделно.

7. Во текот на животот ќе изодите толку да можете три пати да ја поминете земјата по екваторот.

8. Ќе изедете 30 тони храна, тежина еднаква на шест слона.

9. Ќе поминете 10 години на своето работно место, а 20 спиејќи. Исто така, два месеци од вашиот живот ќе ги поминете чекајќи на телефон.

10. Повеќе од 12 години ќе гледате телевизија, а 19 дена од животот ќе ги поминете барајќи го далечинскиот управувач.

Ако сето ова го земеме во предвид, доаѓаме до заклучок дека само еден мал дел од нашиот живот останува да направиме нешто за себе и да го работиме она што навистина нѐ исполнува. Затоа земете си ги работите во свои раце и управувајте со животот, а не тој со вас.

“Времето е она што го сакаме најмногу, но… што го користиме најлошо“ – Вилијам Пен