Гостивар
Промовирана Монографија за библиотеката во Гостивар, труд на Теута Османи
На Светскиот ден на книгата 23 април, во Центарот за култура „АСНОМ“-Гостивар беше промовирана „Монографија за библиотеката 1949-2022“, прва од ваков тип за установата која важи за дом на книгите и читателите. Автор на делото е м-р Теута Османи, библиотекар советник.
„Идејата за реализација на овој труд и истражување потекнува од моето подолго библиотекарско искуство и големата желба да се обидам да го следам и прикажам развојниот пат на гостиварската библиотека. Работејќи во библиотеката како библиотекар од 2007-ма година, во 2018-та се стекнав со звање виш библиотекар, па потоа со звање библиотекар советник. Почувствував силна потреба мојата секојдневна работа и контактот со граѓаните и читателите, да се обидам да ги преточам во едно монографско издание кое ќе ги содржи основните информации за нашата библиотека, поткрепени со бројни документи за нејзиното основање и работа, како и бројни илустрации и фотографии кои се незаобиколен декор во ваквите публикации.“, изјави авторката додавајќи дека во книгата, која има издание на македонски и на албански јазик, се наброени и сите поважни проекти и активности на Библиотеката кои ја потврдуваат сериозноста и посветеноста на вработените за развојот на институцијата.
Валентина Тасеска во своето обраќање на промоцијата направи кус осврт за почетоците на Библиотеката, историјата и нејзиниот развој и ја истакна важноста на Монографијата како запис кој останува вечен.
„Ова е дело кое останува за нас, за нашите генерации и тие што допрва доаѓаат. Почетоците на Библиотеката се уште од Втората светска војна и како волонтер работел Борис Канчески во куќата која денес е под заштита како културно наследство. Подоцна Библиотеката за прв пат добива еден свој простор, кај денешно „Корзо“ и прв библиотекар кој овде бил евидентиран бил Никола Тримчевски, а му помагале ентузијасти.“, рече меѓудругото Тасеска.
Соработник во создавањето на монографијата е Фарије Адили, графички дизајн Јахја Нур Зулбеари и Артан Рамани, додека рецензенти се Богомир Наумоски и Семир Алији.
„Можам да кажам дека ова е прекрасна монографија, прва и единствена од ваков вид за историјатот на библиотеката во Гостивар и како таква претставува вредна и незаменлива книга за читетлите, истражувачите и сите оние кои се заинтересирани за историјатот на оваа културна институција“, кажа Алији пред присутните на промоцијата.
Теута Османи е родена 1976 година во Гостивар. Педагошки факултет завршила на Универзитетот „Свети Климент Охродски“ во Скопје, а магистерски студии на Меѓународниот универзитет во Струга, отсек Меѓународни односи и дипломатија. Автор е на публикацијата „Гостиварски автори-библиографија на монографски публикации“ (НУЦК „АСНОМ“ 2017г.)
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 3 месеци
Гостиварско архиерејско намесништво: Распоред на дежурни свештеници за Задушница