2019 беше втората најтопла година откако постојат мерења на температурата

Минатата 2019 беше втора најжешка година веднаш зад 2016 година, објави пред некој ден Светската метеоролошка организација (WMO).

Просечната глобална температура е 1,1 Целзиусови степени повисока од просечните температури од втората половина на 19 век, вели агенцијата на ОН со седиште во Женева.

„Ако се продолжи со сегашните нивоа на емисии на јаглерод диоксид, ние се придвижуваме кон пораст на температурата од три до пет степени до крајот на векот“, предупреди генералниот секретар на (WMO), Петери Талас.

Покрај тоа што беше исклучително топла, 2019 година ќе биде запаметена и по падот на обемот на глечерите, рекордното покачување на нивото на морето и зголемувањето на температурите и киселоста на океанот, како и екстремнните временски прилики.

„2020 продолжува таму каде што застана 2019 година – со катастрофални временски услови и настани поврзани со климата“, рече Талас. Истакнувајќи ги шумските пожари во Австралија кои следеа по жешката 2019 година, како најтопла и најсушна година во историјата на тој континент.