Здравје и убавина
Вметнете пченка во исхраната, прави чуда за здравјето, содржи малку калории, го забрзува метаболизмот…
Пченката е една од омилените житни култури која не само што е многу вкусна и лесна за подготовка, туку носи и многу придобивки за нашето здравје доколку редовно ја консумираме. Како што објаснуваат нутриционистите, пченката содржи малку калории и големи количини на јаглехидрати, амино киселини, витамини од групата Б, фолна киселина, ниацин, фосфор, калиум и магнезиум. Токму затоа советуваат дека оваа храна треба да ја јадеме што почесто.
Благодарение на бројните нутритивни вредности, консумацијата на пченка има многу придобивки. Еден од нив е намалување на ризикот од болести на срцето и циркулаторниот систем. Оваа храна е одличен извор на калиум, есенцијална супстанца која помага во регулирањето на циркулаторниот систем со одржување на правилен проток на крв и силна работа на срцето.
Пченката содржи и лутеин, каротеноид сличен на витаминот А, кој најчесто се наоѓа во овошјето и зеленчукот. Познат е по тоа што го намалува ризикот од макуларна дегенерација, катаракта и многу други очни болести.
Исто така, консумирањето на пченка придонесува за подобро дигестивно здравје. Причината е што оваа сезонска храна е богата со диетални влакна, кои се неопходни за одржување на здрав начин на живот, а нуди и многу други придобивки, како што се регулирање на празнењето на цревата, управување со нивото на шеќер во крвта и забрзување на метаболизмот, што помага при слабеење.
И последно, но не и најмалку важно е фактот дека редовното консумирање пченка го намалува ризикот од деменција, а особено од Алцхајмерова болест. Имено, содржи антиоксиданс кверцетин, за кој истражувачите веруваат дека може да има заштитен ефект од овие болести. Кверцетинот, наводно, ги штити невронските клетки и ја намалува невроинфламацијата, потенцијално намалувајќи ја инциденцата на деменција.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 2 месеци
Историјат на Осми март – Празник посветен на правата на жените
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок
-
Гостиварпред 2 месеци
Гостиварско архиерејско намесништво: Распоред на дежурни свештеници за Задушница