Занимливости
„Ќе видиме нешто ново на небото“, тврдат астрономите
Небесниот танц меѓу две ѕвезди оддалечени 3.000 светлосни години ќе резултира со толку силна експлозија што ќе биде видлива со голо око со денови, изјавија во петокот астрономите од Универзитетот Нотингем Трент.
Експлозијата што се случува во системот „T Coronae Borealis“ ќе се забележува како нова ѕвезда која силно свети на ноќното небо, пред да избледи и да исчезне.
Професорот Даниел Браун објаснува дека овој небесен настан се нарекува „нова“, кога осветленоста на ѕвездата брзо се зголемува.
Според него, не е лесно да се предвиди кога ќе следи тој настан, но верува дека тоа би можело да се случи во секое време до септември.
„Возбудени сме. Ќе видиме таканаречена нова ѕвезда на небото“, рече Браун, посочувајќи дека T Coronae Borealis всушност не е една ѕвезда, туку две, кои орбитираат една околу друга.
„Она што го прави овој пар толку исклучителен е тоа што одвреме навреме ја зголемува својата светлина толку многу што станува лесно видлива за нас“, рече астрономот.
Помасивната ѕвезда во парот е бело џуџе кое, во обем колку нашата Земја, може да има иста маса како и нашето Сонце, додава Браун.
Придружникот во тој пар е старечки црвен џин кој се шири и го депонира својот материјал на белото џуџе.
„На околу 80 години, бело џуџе собира доволно материјал за да се запали во термонуклеарна експлозија и во голема мера да ја засили својата светлина“, рече Браун.
Во соработка со Е наука
-
Македонијапред 3 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Вестипред 3 месеци
Историјат на Осми март – Празник посветен на правата на жените
-
Парламентарни избори 2024пред 2 месеци
Потврдени листите на СДСМ, гостиварката Ема Нешковска трета во ИЕ 6
-
Гостиварпред 3 месеци
Гостиварско архиерејско намесништво: Распоред на дежурни свештеници за Задушница
-
Гостиварпред 3 месеци
„Пациенти“ во Гостивар, урнебесна комедија за брачните „војни“