ИСИС се заканува со терористички напади на натпреварите од Лигата на шампионите

Целиот свет остана во шок по терористичкиот напад во Москва, кога Исламската држава ја презеде одговорноста, сега им се заканува и на фудбалските навивачи.

Имено, шпанска Марка пренесува дека ИСИС најави напади на стадионите во Мадрид, Париз и Лондон кои ќе бидат домаќини на четвртфиналните натпревари во Лигата на шампионите, а се играат денес и утре.

Организацијата Ал Азаим објави графика на која се прикажани стадионите на Арсенал, Пари Сен Жермен, Реал Мадрид и Атлетико Мадрид, што резултираше со зголемени безбедносни мерки.

🚨 ISIS are threatening attacks on the stadiums hosting the #UCL quarter-finals this week, reports @OndaCero_es pic.twitter.com/BJ1kp92JJr

— Madrid Zone (@theMadridZone) April 8, 2024

Така, натпреварот помеѓу Реал и Манчестер Сити е означен како натпревар од висок ризик, а бидејќи еден ден подоцна во Мадрид ќе пристигнат и навивачите на Борусија Дортмунд, особено ќе се внимава на безбедноста во Мадрид.

Во Лондон вечерва се среќаваат Арсенал и Баерн Минхен, а во Мадрид Реал и Манчестер Сити.

Во среда на програмата се натпреварите меѓу Атлетико и Дортмунд во Мадрид, како и Пари Сен Жермен и Барселона во Париз.