Одбележана Неделата на Промоција на хумани вредности во Гостивар

Со посебен настан исполнет со повеќе активности, Клубот на млади при Црвениот Крст – Гостивар ја одбележа ПХВ неделата (Промоција за хумани вредности). Одбележувањето се одржа во малата сала на гостиварскиот Центар за култура каде се собраа волонтерите, активистите и граѓани.

„Пред присутните прикажавме претходно подготвени реклами за промоција на култура, за ПХВ програмата и за активностите на Црвен крст, а исто така се слушна и гласот на младите кои ги прашувавме за изработените проекти во 2017 година во рамки на програмата. На тој начин сакавме да дадеме значење и благодарност за нивниот труд и ангажман“, велат од Црвениот Крст.  На настанот, група млади на несекојдневен начин, со пантомима презентираа приказна за различностите и културата со порака за почит и разбирање.

Клубот на млади на Црвен Крст од Гостивар годинава за своето ангажирање, труд, посветеност и голем број спроведени проекти од ПХВ програмата, доби пехар како еден од најуспешните во Македонија.