“Kangoo Jumps” – нов фитнес во Гостивар

“Кangoo Jumps” е потполно нов вид фитнес во Македонија, поточно кардио тренинг кој се изведува со специјални отскокнувачки чевли. Бенефитите од “Kangoo Jumps” се многубројни. Покрај зацврстување и тонизирање на целото тело, помага за нормализирање на кардиоваскуларниот систем, за правилно држење на ‘рбетниот столб, се трошаат повеќе од 1000 калории на еден тренинг што е доста поефикасен од класичниот аеробик. Делува како антидепресив бидејќи за време на тренингот се лачи ендорфин, хормонот на среќата.

Сето ова ни го објасни Леонора Апостолоска лиценциран и интернационално признат инструктор, која ќе ги одржува тренинзите во “Kangoo Club Fun & Fit” – Гостивар. Поканети се сите девојки од нашиот град да дојдат и да почустуваат што значи изразот “Скокај од радост”.